Trident Studios | |||
![]() | |||
![]() Trident Studios 51°30′52″N 0°08′02″W / 51.5144°N 0.1339°W |
---|
Trident Studios var eit britisk platestudio i 17 St. Anne's Court i Soho i London mellom 1968 og 1981. Det vart bygt i 1967 av Norman Sheffield, ein trommeslagar i 60-talsgruppa The Hunters, og bror hans Barry.
«My Name is Jack» av Manfred Mann vart spelt inn i Trident i mars 1968 og var med å gje studioet eit godt rykte. Somme kjende album og singlar som vart spelte inn i Trident var the Beatles sitt White Album (sjølv om det meste av innspelinga vart gjort i Abbey Road Studios) og «Hey Jude», George Harrison-albumet All Things Must Pass, Elton John sin «Candle in the Wind» og David Bowie sitt The Rise and Fall of Ziggy Stardust. Rick Wakeman var fast studiomusikar på klaver på den tida og var med på mange innspelingar, mellom anna Bowie-songane «Life on Mars?» og «Changes».
Andre artistar som spelte inn musikk i Trident var The Bee Gees, Carly Simon, Chris de Burgh, Genesis, Brand X, James Taylor, Joan Armatrading, Joe Cocker, Kiss, Lou Reed, Peter Gabriel, Marc Almond, Marc and the Mambas, Soft Cell, Queen, the Rolling Stones, Thin Lizzy, Tina Turner, T. Rex, Van der Graaf Generator, Yes og John Entwistle.
Sheffield-brørne hadde ein avslappa arbeidsmoral, men la vekt på høg standard innan lydteknikk.[1] Studioet hadde det nyaste utstyret, som var medverkande til at mange store artistar ønskte å nytte det.
© MMXXIII Rich X Search. We shall prevail. All rights reserved. Rich X Search